Marija, messatge dau 25 de decembre de 2016
« que vòstre agach e vòstre còr siagan
totjorn enregats cap al cèl e a l’eternitat.»
« Cars enfants ! Dins una jòia granda vos porgissi uòi mon Enfant Jèsus que vos balhe sa patz. Dobrissètz los vòstres còrs, enfantons, e siagatz gaujoses per fins de Lo poder recebre. Lo Cèl es amb vautres e lucha per la patz dins vòstres còrs, dins vòstras familhas, e dins lo mond ; e vosautres, enfantons, per vòstra pregària ajudatz per qu’aitau siague. Vos benesissi amb mon Filh Jèsus e vos cridi de pas pèrdre l’esperança ; que vòstre agach e vòstre còr siagan totjorn enregats cap al cèl e a l’eternitat. Aitau seretz dobèrts a Dieu e a Sos plans. Mercé d’aver respondut a mon apèl. »
Ivan, messatge dau 25 de decembre de 2016
«Per viure la patz, mos enfants, es necite
que, abans tota causa, ajatz la patz en vòstres còrs e siagatz abandonats cap e
tot a Dieu e a sa volontat.»
« Cars enfants ! Uòi, dins aqueste
jorn de gràcia, d’un biais especial vos convidi a pregar per la patz. Enfants,
çai venguèri aquí coma Reina de la Patz, e quant de còps vos convidèri de
pregar per la patz ! Mas, enfants, vòstres còrs se calcinan. Lo pecat vos
empacha de vos dobrir completament a la gràcia e a la patz que Dieu vos desira
donar. Per viure la patz, mos enfants, es necite que, abans tota causa,
ajatz la patz en vòstres còrs e siagatz abandonats cap e tot a Dieu e a sa
volontat. Cerquètz pas la patz e la jòia dins çò d’aquesta tèrra, que tot aquò
es fugidís. Tiratz cap a la misericòrdia e a la patz vertadièira que venon
sonque de Dieu ; e solament d’aquel biais vòstres còrs seràn comolats de
la jòia vertadièira ; solament coma aquò poiretz venir testimònis de la
patz dins aquel mond inquiet. Siái la vòstra Maire e intercedissi amb mon Filh
per cadun de vosautres. Mercé d’aver respondut a mon apèl.»Mirdjana, messatge dau 2 de decembre de 2016
« Permetètz a mon Filh d’èsser en
vosautres »
« Cars enfants ! mon còr mairal plora quand vesi çò que fan mos enfants. Los pecats se multiplican ; la puretat de l’arma es sempre mens importanta ; mon Filh es desoblidat, de mens en mens adorat e mos enfants son secutats. Es perqué, vosautres mos enfants, apòstols dau mieu amor, dins vòstras armas, dins vòstres còrs, invocatz lo nom de mon Filh ! Aurà per vautres de paraulas de lutz.
Se manifèsta
a vosautres, romp lo pan amb vosautres e vos balha paraulas d’amor per que las
cambièssetz en actes de misericòrdia e que siaguèssetz d’aquel biais testimònis
de la vertat.
Es perqué,
enfants carits, ajatz pas paur ! Permetètz a mon Filh d’èsser en
vosautres. Se servirà de vautres per curar los nafrats e per convertir las
armas perdudas. Per aquò, enfants carits, tornatz a la pregària dau Rosari.
Pregatz lo Rosari amb de sentiments de bontat, de sacrifici, de misericòrdia.
Pregatz pas solament amb de mots mas tanben amb d’òbras de misericòrdia.
Pregatz amb amor per totes los òmes. Mon filh a sublimat l’amor per son
sacrifici. Es perqué, vivètz amb El per aver fòrça e esperança, per aver l’amor
qu’es vida e que mena a la vida eternala.
Mercé l’amor
de Dieu, siái ieu atanben amb vosautres e, per mon amor mairal, vos menarai.
Vos regràcii ! »
La Vèrge èra trista dins lo temps de l’aparicion, çò diguèt
Mirjana.
Marija, messatge dau 25 de novembre de 2016
« Enfantonèls, que vòstra vida siaga un
don per los autres dins l’amor, e Dieu vos benesirà »
« Cars enfants, uòi vos convidi mai a la pregària. Dins aquel temps de gràcia, Dieu m’a permés de vos menar cap a la santetat e cap a una vida simpla per fins que, dins las causas pichonas, posquèssetz descobrir Dieu lo Creator, vos enamorar d’el, e que vòstra vida siaga un mercejament a l’esgard de l’Autisme per tot çò que vos dona. Enfantonèls, que vòstra vida siaga un don per los autres dins l’amor, e Dieu vos benesirà. E vautres, rendètz testimòni sens interés, per amor cap a Dieu. Siái amb vautres e per vautres totes intercedissi davant mon Filh. Mercé d’aver respondut a mon apèl. »
Mirdjana, messatge dau 2 de novembre de 2016
« pregatz, pregatz, pregatz, e donatz a
Dieu de dintrar dins vòstre còr.»
« Cars enfants ! per mon còr mairal, venir cap a vautres e me faire conóisser de vautres es una granda jòia. Es un present de mon Filh per vautres e per aqueles que vendràn. Coma maire vos convidi : aimatz mon Filh subre tot. Mas, per l’aimar amb tot lo vòstre còr, vos cau aprene a lo conóisser e lo conóisser a travèrs la pregària. Pregatz amb lo còr e amb vòstres sentiments ! Pregatz vòl dire pensar a Son amor e a Son sacrifici. Pregatz vòl dire aimar, donar, patir e ofrir. Mos enfants vos convidi a èsser los apòstols de la pregària e de l’amor. Mos enfants aquel temps d’aquí es un temps de velha. Dins aquela velha vos cridi a la pregària, a l’amor, e a la fisança. Mon còr de Maire desira que quand mon Filh agacharà dins vòstres còrs, i veja una fisança incondicionala e de l’amor. L’amor unit de mos apòstols viurà, vencerà e desemmascarà lo mal. Mos enfants, siaguèri ieu lo calici de l’Òme-Dieu ; siaguèri l’instrument de Dieu. Es per aquò, vos convidi, mos apòstols, a èsser los calicis de l’amor pur e vertadièr de mon Filh. Vos convidi a èsser los instruments per quals totes aqueles qu’an pas conogut encara l’amor de Dieu, qu’an pas jamai aimat, pòscan entendre, dire de òc e se salvar. Mercé, mos enfants. »
Dins lo temps que la Vèrge se’n tornava, Mirjana vegèt un
calici.
Marija, messatge dau 25 d’octòbre de 2016
« pregatz, pregatz, pregatz, e donatz a
Dieu de dintrar dins vòstre còr.»
« Cars enfants, vos apèli uòi : pregatz per la patz. Abandonatz l’egoïsme e vivètz los messatges que vos dòni. Sens eles, podètz pas cambiar vòstra vida. En vivent la pregària, vos farà mestièr de testimoniar, que descobriretz Dieu que per ara sentissètz luònh. Es per aquò, enfantonèls, pregatz, pregatz, pregatz, e donatz a Dieu de dintrar dins vòstre còr. Tornatz al june e a la confession, per poder véncer lo mal al dintre de vautres e a l’entorn de vosautres. Mercé d’aver respondut a mon apèl. »
Mirdjana, messatge dau 2 d’octòbre de 2016
« Pregatz per poder viure la fe dins
l’umiltat, dins la patz de l’esperit e esclairats per la lutz.»
« Cars enfants ! Lo Sofle-Sant, per lo Paire Celestial, faguèt de ieu la maire, la maire de Jèsus, e de fach, la vòstra maire. Es perqué vos veni escotar per vos dobrir mos braces mairals, vos donar mon còr e vos cridar a demorar en ieu, que dau naut de la Crotz, mon Filh vos fisèt a ieu.
Malastrosament,
nombre de mos enfants an pas conogut l’amor de mon Filh, fòrces lo vòlon pas
conóisser. Ò, mos enfants, quant de mal es fach per aqueles que per creire li
fai mestièr de veire o de rasonar ! Es perqué, vosautres mos enfants, mos
apòstols, dins lo silenci de vòstres còrs, escotatz la votz de mon Filh per que
vòstre còr venga sa demòra, per que siague pas un còr solombrós e trist mas
esclairat per la lutz de mon Filh. Cercatz l’esperança amb fe, que la fe es la
vida de l’arma. Vos cridi mai : pregatz ! Pregatz per poder viure la
fe dins l’umilitat, dins la patz de l’esperit e esclairats per la lutz. Mos
enfants, ensagetz pas de tot encapar sulpic, que ieu non mai entendèri pas
tot ; mas aimavi e cresiái dins la paraulas divencas que mon Filh disiá.
El qu’èra la primièra Lutz e la començança de la Redempcion. Apòstol dau mieu
amor, vosautres que pregatz, sacrificatz vos, aimatz sens jutjar, anatz e
escampilhatz la vertat, las paraulas de mon Filh, l’Evangèli, que sètz
l’evangèli vivent, sètz los dardalhs de lutz de mon Filh. Mon Filh e ieu serem
als vòstres costats, vos encorajarem e vos demandarem pròvas. Mos enfants,
demandatz totjorn la benediccion d’aqueles, e pas que d’aqueles que sas mans
son estadas benesidas per mon Filh, vòstres pastres. Vos regràcii »
Marija, messatge dau 25 de setembre de 2016
« Parlaretz amb El coma amb quauqu’un de
vòstra conoissença.»
« Cars
enfants, uòi vos convidi a la pregària. Que la pregària siague vida per
vosautres. Es pas solament que coma aquò que vòstre còr se comolarà de patz e
de gaug. Dieu vos serà pròche e Lo sentiretz dins vòstre còr coma un amic.
Parlaretz amb El coma amb quauqu’un de vòstra conoissença e, enfantonèls, vos
farà mestièr de testimoniar que Jèsus serà dins vòstre còr e que seretz units
en El. Siái amb vautres e totes vos aimi de mon amor mairal. Mercé d’aver
respondut a mon apèl. »
Mirdjana, messatge dau 2 de setembre de 2016
« Mon Filh espèra de vosautres l’amor e
la pregària en El.»
« Cars enfants ! De per
la volontat de mon Filh e de per mon amor mairal, veni cap a vosautres, mos
enfants, e especialament cap a aqueles qu’an pas encara conogut l’amor de mon
Filh. Veni cap a vosautres que pensatz a ieu, que m’invocatz. Vos doni mon amor
mairal e vos porgissi la benediccion de mon Filh. Tenètz un còr pur e
dobèrt ? Vesètz los dons, los signes de ma preséncia vesedoira e de mon
amor ? Mos enfants, dins vòstra vida terrenala inspiratz-vos de mon
exemple. Ma vida es estada dolor, silenci, una fe sens bòlas e una fisança dins
lo Paire Celestial. Pas res es degut a l’asard. Ni la dolor, ni la jòia, ni lo
patiment ni mai l’amor. Totas aquelas gràcias son aquelas que mon Filh vos dona
e que vos menan a la vida eternala. Mon Filh espèra de vosautres l’amor e la
pregària en El. Aimar e pregar en El significa –coma Maire vos l’ensenharai-
pregar dins lo silenci de l’arma e pas solament recitar que d’una pòta. Es
atanben lo mai pichon polit gèst fach al nom de mon Filh. Aquò es la paciéncia,
la misericòrdia, l’acceptacion dau patiment e lo sacrifici fach per los autres.
Mos enfants, mon Filh vos agacha. Pregatz per que vautres tanben poscatz veire
sa cara e que sa cara vos pòsca èsser revelada.
Mos enfants vos revèli l’unenca e pura vertat. Pregatz per la poder
entendre e per poder difusir e escampilhar amor e esperança, per poder èsser
los apòstols de mon amor. Mon còr mairal aima los bergièrs d’un biais
particular. Pregatz per sas mans benesidas. Vos regràcii. »
Marija, messatge dau 25 d’agost de 2016
« que la cadena de vòstra vida siague la
pregària amb lo còr e l’asorament»
« Cars enfants, uòi vos vòli partejar la jòia celestiala. Vosautres, enfantonèls, dobrissètz la pòrta dau còr per fin que, dins vòstre còr cresca l’esperança, la patz e l’amor que sol Dieu dona. Enfantonels, sètz tròp estacats a la tèrra e a las causas de la tèrra, es perqué Satan vos balanceja coma lo vent balanceja las èrsas de la mar. Es perqué, que la cadena de vòstra vida siague la pregària amb lo còr e l’asorament de mon Filh Jèsus. Abandonatz – a EL – vòstre avenidor per èsser, en El, jòia e exemple per los autres, per vòstra vida. Mercé d’aver respondut a mon apèl ».
Ivan, messatge dau 12 d’agost de 2016
« uòi encara vos convidi a vos encapriçar
dins la pregària.»
« Cars enfants, uòi encara vos convidi a
vos encapriçar dins la pregària. Pregatz, cars enfants, e subretot tenètz dins
la pregària en familha. Uòi, amb vautres, prègui per la familha. Volonti la
santetat dins las familhas, per que i aja mai de familhas santas que prèguen e
viscan las paraulas de mon Filh, antau que los messatge que vos daissi. Mercé,
cars enfants, uòi encara, d’aver respondut a ma crida. »Mirdjana, messatge dau 2 d’agost de 2016
« [Mon Filh] Espèra que luchetz al
dintre de vautres contra l’egoïsme, los jutjaments e las flaquesas umanas.»
« Cars enfants, siái venguda cap a vosautres, al mitan de vosautres, per que me donèssetz totes vòstres pensaments, que los ofriguèsse a mon Filh e qu’intercediguèsse al près d’El per vòstre ben. Sabi que cadun de vautres a sos sieus laguis, sas sieunas espròvas. Es per aquò, d’un biais mairal, vos convidi a venir a la Taula de mon Filh. Romp lo Pan per vautres, se dona el meteis a vosautres, vos balha l’esperança, espèra de vautres mai de fe, d’esperança e de serenitat. Espèra que luchetz al dintre de vautres contra l’egoïsme, los jutjaments e las flaquesas umanas.
Es per aquò que, coma Maire, vos o disi : pregatz ! Que la pregària vos dona de fòrças per la batèsta interiora
Mon Filh, quand èra trace, me disiá sovent qu’un fum de mond m’aimarián e me dirián « Maire ». Òc-ben, aicí demest vosautres, ressentissi l’amor. Mercé ! Per aquel amor prègui mon Filh per que pas cap de vosautres se’n torne a l’ostau coma es vengut ; prègui per qu’emportetz lo mai d’esperança possible, lo mai de misericòrdia e lo mai d’amor ; per que siagatz mos apòstols de l’amor que testimoniaràn per sa vida que lo Paire Celestial es la sorga de la vida e non de la mòrt
Cars enfants, un còp de mai, vos convidi d’un biais mairal a pregar per aqueles que mon Filh causiguèt, per sas mans benesidas, per vòstres pastres, que pòscan anonciar mon Filh amb lo mai d’amor que se pòt e faire antau de conversions. Vos grandmercegi. »
Marija, messatge dau 25 de julhet de 2016
« Metètz Dieu a la plaça primièira e non pas
l’òme»
« Cars enfants, vos agachi e vos vesi perduts, e avètz pas ni pregària ni mai jòia dins lo còr. Tornatz, enfantonèls, tornatz a la pregària ! Metètz Dieu a la plaça primièira e non pas l’òme. Perdatz pas l’esperança que vos porgissi. Enfantonèls, qu’aqueste temps –cada jorn- siague per vosautres un temps de mai granda recèrca de Dieu dins lo silenci de vòstres còrs. Pregatz, pregatz, pregatz fins a çò que la pregària vos siague jòia. Mercé d’aver respondut a mon apèl. »
Mirdjana, messatge dau 2 de julhet de 2016
« vos devètz solament donar pensaments sonque
per vòstra arma qu’es la soleta causa que vos apartenga sus aquela tèrra»
« Cars enfants, ma preséncia, reala e viva demest vosautres vos deu portar gaug qu’es l’amor grand de mon filh. Me manda cap a vosautres per que, per mon amor mairal, vos acòrde la seguretat ; per qu’entendatz que la dolor e la jòia, lo patiment e l’amor, fan que vòstra arma viu d’a fons, per que vos convide tornarmai a festejar lo Còr de Jèsus, lo còr de la fe, l’Eucaristia. Mon Enfant, jorn a cha jorn, dempuòi los sègles, torna viu cap a vosautres ; torna cap a vautres sens jamai vos aver quitats. Quand l’un de vosautres torna cap a El, mos enfants, mon còr mairal tressana de jòia. Es perqué, Enfants carits, tornatz cap a l’Eucaristia, tornatz cap a mon Filh. Lo camin cap a mon Filh es esquerrièr, plen de renonciaments, mas al cap i a totjorn la lutz. Compreni vòstras dolors e vòstras penas, e per mon amor mairal sequi vòstras lagremas. Fasètz fisança a mon Filh que farà per vosautres çò que saupriatz pas solament demandar. Vosautres, mos enfants, vos devètz solament donar pensaments sonque per vòstra arma qu’es la soleta causa que vos apartenga sus aquela tèrra. Es ela, qu’anatz porgir, lorda o clarinèla davant lo Paire Celestial. Rementatz vos que l’amor cap a mon Filh es totjorn recompensat. Prègui per que d’un biais particular pregatz per aqueles que mon Filh a apelat a viure segon El e a aimar lo sieu tropèl. Vos regràcii. »
Marija, messatge dau 25 de junh de 2016
« mercejatz Dieu amb ieu per lo don de ma
preséncia al prèp de vosautres»
« Cars enfants, mercejatz Dieu amb ieu per lo don de ma preséncia al prèp de vosautres. Pregatz, enfantonèls, e vivetz los comandaments de Dieu per fins qu’aquò anèsse plan per vautres sus la tèrra. Uòi, dins aquel jorn de gràcia, vos volonta donar ma benediccion mairala de patz e la de mon amor. Intercedissi per vosautres al prèp de mon Filh e vos apèli a vos encapriçar dins la pregària per que, amb vosautres, pòsqui complir mos plans. Mercé d’aver respondut a ma crida. »
Ivan, messatge dau 24 de junh de 2016
« tenètz dins la pregària, cars enfants. Mai
que mai, pregatz per la patz. »
« Cars enfants, veni cap a vosautres e vos desiri guidar. Per amor, vos desiri menar cap a mon Filh. Es l’amor. Prègui per vosautres totes, cars enfants, e intercedissi davant mon Filh. Es perqué, tenètz dins la pregària, cars enfants. Mai que mai, pregatz per la patz. Mercé, cars enfants, uòi encara d’aver respondut a mon apèl. »
Mirdjana, messatge dau 2 de junh de 2016
« l’amor crida l’amor e rend los actes mai
importants que non pas las paraulas »
« Cars enfants, coma maire de la Glèisa e coma vòstra Maire, sorissi en vos agachant venir cap a ieu, vos acampar a mon entorn e me recercar. Mas vengudas demest vosautres provan coma lo Cèl vos aima : Vos ensenhan lo camin cap a la vida eternala, cap a la salvacion. Mos apòstols, vautres que cercatz d’aver un còr blos amb mon Filh al dintre, sètz sus lo bon camin. Vautres que cercatz mon Filh, cercatz la rota bona. Daissèt fòrça signes de son amor. Daissèt l’esperança. Es aisit de Lo trapar se sètz lèstes per lo sacrifici e la peniténcia, s’avètz de paciéncia, de misericòrdia e d’amor cap al vòstre propdan. Maites de mos enfants veson pas e ausisson pas, que lo vòlon pas. Aculhisson ni mas paraulas, ni mai mas òbras, mas mon Filh, al travèrs de ieu, apèla tot lo mond. Son esperit illumina totes mos enfants de la lutz dau Paire Celestial, dins la comunion dau Cèl e de la tèrra, dins l’amor recipròc ; que l’amor crida l’amor e rend los actes mai importants que non pas las paraulas. Es per aquò, mos apòstols, pregatz per vòstra Glèisa, aimatz la e fasètz d’actes d’amor. E mai s’es traïda e macada, es aquí, que procedís dau Paire Celestial. Pregatz per vòstres pastres, per fins de veire en eles la grandesa de l’amor de mon Filh. Vos regràcii. »
Marija, messatge dau 25 de mai de 2016
« pregatz per que l’Esperit-Sant vos pòsca
menar sus lo camin vertadièr de la jòia e de la patz »
« Cars enfants, ma preséncia es un present de Dieu per vosautres totes e un encoratjament a la conversion. Satan es fòrt e desira metre dins vòstres còrs e dins vòstras pensadas embolh e taïna. Es perqué, vosautres enfantonèls, pregatz per que l’Esperit-Sant vos posca menar sus lo camin vertadièr de la jòia e de la patz. Amb vosautres siái e per vosautres intercedissi davant mon Filh. Mercé d’aver respondut a mon apèl. »
Ivan, messatge dau 9 de mai de 2016
« renovelatz mos messatges e vivètz mos
messatges »
« Cars enfants, uòi encara vos soni tornarmai : renovelatz mos messatges e vivètz mos messatges. E d’un biais particular, vos apèli : pregatz per la patz, pregatz per la patz, per la patz dins lo mond. Vos cau saupre, cars enfants, que siái amb vosautres e que siái còsta vosautres. Pregatz amassa amb la Maire. Siagatz caputs. Vos alassatz pas. Vos grandmercegi, cars enfants, d’aver respondut a mon apèl uòi encara.
Ivan, messatge dau 9 de mai de 2016
« daissetz pas las farfantèlas futilas
d’aqueste mond vos enganar »
« Cars
enfants, daissetz pas las farfantèlas futilas d’aqueste mond vos enganar :
lo materialisme, la gelosiá, la cròia. Daissetz pas lo lum dau mond vos
enganar. Dobrissètz vos a la lutz de l’amor divenc, a mon Filh. Decidissètz vos
per El. Es amor. Es vertat. Tornatz a la pregària en familha. Pregatz mai.
Vòstras pregàrias me fan mestièr per fin qu’amb vosautres pòsqui complir mos
plans. Vos grandmercegi, cars enfants, uòi encara de vos èsser decidits per
Jèsus.
Mirdjana, messatge dau 2 de mai de 2016
« Desoblidètz pas, que dins l’Eucaristia,
qu’es lo còr de la fe, mon Filh es totjorn amb vosautres»
« Cars enfants, mon còr mairal volonta vòstra conversion
vertadièira e mai una fe fòrta per fins que posquèssetz escampilhar l’amor
e la patz a totes aqueles que vos enròdan. Mas, cars enfants, desoblidètz pas
que cadun de vautres es un univèrs unenc davant lo Paire Celestial. Es perqué,
daissatz l’accion incessanta de l’Esperit-Sant obrar en vosautres. Siaguètz,
enfants, espiritualament purs. Dins l’esperitualitat se trapa la beutat. Tot çò
espiritual es viu e fòrça bèl. Desoblidètz pas, que dins l’Eucaristia, qu’es lo
còr de la fe, mon Filh es totjorn amb vosautres. Ven a vosautres e romp lo pan
amb vosautres que, mos enfants, es per vautres qu’es mòrt e ressuscitat, e que
se’n torna mai. Aqueles paraulas, las conoissètz que son Vertat e que la Vertat
cambia pas jamai. Mas nombre de mos enfants l’an dessoblidada. Mos enfants, mas
paraulas son ni ancianas, ni mai novèlas, son eternalas. Es per aquò que vos
apèli, cars enfants, a plan agachar los signes dau temps, a « reculhir las
croses copadas » e a èsser los apòstols de la Revelacion. Vos regràcii.
Marija, messatge dau 25 d’abriu de 2016
« pregatz per que dins la pregària entendatz
l’amor de Dieu. »
« Cars
enfants, lo mieu Còr Immaculat me sagna, mentre que vos agachi dins lo pecat e
l’anar dau pecat. Vos cridi : tornatz a Dieu e a la pregària, afin de vos
ne trapar plan sus la tèrra. Dieu, a
travèrs de ieu, vos crida : que vòstres còrs siagan esperança e gaug per
totes aqueles que son luònh. Que ma crida vos siague un baume per l’arma e lo còr,
per amor que glorifiquetz Dieu lo Creator que vos aima e que vos convida a
l’eternitat. Enfantonèls, la vida es corteta. Vosautres, profiechatz d’aquel
temps per faire lo ben ! Mercé d’aver respondut a mon apèl. »
Mirdjana, messatge dau 2 d’abriu de 2016
«Aquel que prèga e qu’aima a pas paur»
« Cars enfants que vòstres còrs siagan pas durs, barrats nimai emplenats de crenta ! Permetètz a mon amor mairal de los illuminar e de los comolar d’amor e d’esperança, per fins que, coma maire, pòsca portar solaç a vòstras dolors que las conoissi, que las ai viscudas. La dolor enaura e es la pregària mai bèla. Mon Filh aima d’un biais tot particular aqueles que patisson de dolors. M’a mandada per las amaisar e vos porgir l’esperança. Ajatz fisança en El. Sabi qu’es esquerrièr per vosautres qu’alentorn de vautres vesètz mai que mai que tenèbras. Mos enfants, las cau caçar per la pregària e per l’amor. Aquel que prèga e qu’aima a pas paur, a l’esperança e un amor misericordiós ; vei la lutz, vei mon Filh. En tant que mos apòstols, vos apèli : ensajatz d’èsser d’exemples d’amor pietadós e d’esperança. Pregatz d’un biais totjorn novèl per aver lo mai d’amor que se pòt aver, que l’amor misericordiós porgís la lutz qu’avalís tota tenèbra, porgís mon Filh. Ajatz pas paur, sètz pas solets, siái amb vautres. Vos convidi a pregar per vòstres pastres, per fins qu’a cada moment ajan d’amor e qu’òbran amb amor, per mon Filh, per El e en memòria d’El. Vos grandmercegi.
Marija, messatge dau 25 de març de 2016
« pregatz per que dins la pregària entendatz
l’amor de Dieu. »
« Cars enfants, uòi, vos porgissi mon amor. Dieu m’a permés de vos aimar e de vos apelar a la conversion per amor. Sètz paures en amor, enfantonèls. Avètz pas encara encapat que per amor, mon Filh Jèsus donèt sa vida per vos sauvar e vos donar la vida eternala. Es perqué, pregatz, enfantons, pregatz per que dins la pregària entendatz l’amor de Dieu. Mercé d’aver respondut a mon apèl. »
Mirdjana, messatge dau 18 de març de 2016
«daissatz çò de Dieu, per vòstra pregària e
vòstres sacrificis, donar forma a la vòstra vida»
« Cars enfants ! Es amb un còr mairal, comol d’amor per vautres, que vos desiri ensenhar una fisança sencera en Dieu lo Paire. Desiri qu’aprengatz per un agach interior e una escota interiora, a seguir la volontat de Dieu. Desiri qu’aprengatz a aver una fisança sens confinhas en sa Gràcia e en son Amor, coma aviái ieu meteissa totjorn fisança en El. Es perqué mos enfants, purificatz los vòstres còrs ! Liberatz-vos de tot çò que vos agafa a çò terrenal, e daissatz çò de Dieu, per vòstra pregària e vòstres sacrificis, donar forma a la vòstra vida, per que lo Reialme de Dieu siague dins vòstres còrs ; per qu’emprincipietz a viure partent de Dieu lo Paire, per que vos esperforcietz de caminar totjorn amb mon Filh. Mas per tot aquò, mos enfants, devètz èsser paures en esperit e emplenats d’amor e de misericòrdia. Vos devètz d’aver un còr pur e simple e d’èsser totjorn prèstes a servir. Mos enfants, escotatz-me ! Vos disi aquò per vòstra salvacion. Vos regràcii. »
Mirdjana, messatge dau 2 de març de 2016
«Aimatz mon Filh e fasètz que los autres
veson son visatge a travèrs vòstre amor per El»
« Cars enfants, ma venguda al mitan de vosautres es un don dau Paire per vautres. A travèrs son amor vos veni ajudar a trobar lo camin cap a la vertat, lo camin cap a mon Filh. Vos veni assolidar la vertat. Vos desiri rementar las Paraulas de mon Filh. Proferiguèt de paraulas de salvacion per lo mond tot, de paraulas d’amor per totes ; amor que provèt per son sacrifici. Mas, encara uòi, nombre de mos enfant lo conoisson pas, lo vòlon pas conóisser, li son indiferents. En causa de son indiferéncia, mon còr es fòrça dolent. Mon Filh es totjorn estat dins lo Paire. En naissent dins lo mond, porgiguèt lo divenc e de ieu recebèt l’uman. Amb el, la Paraula es venguda demest nosautres. Amb el es venguda la lutz dau mond que s’entrauca dins los còrs, los esclaira, los comola d’amor e de consolament. Mos enfants totes aqueles qu’aiman mon Filh lo pòdon veire, que son visatge se vei a travèrs las armas d’aqueles que son emplenats d’amor per el. Es perqué, mos enfants, mos apòstols, escotatz me ! Renonciatz a la vanitat e a l’egoïsme ! Viscatz pas sonque per çò terrenal, material ! Aimatz mon Filh e fasètz que los autres veson son visatge a travèrs vòstre amor per El. Vos ajudarai a lo conóisser plan mai. Vos parlarai d’El. Vos regràcii. »
Marija, messatge dau 25 de febrièr de 2016
« Prenètz la crotz, agachatz Jèsus e
seguissètz-Lo. »
« Cars enfants, dins aqueles temps de gràcia vos convidi totes a la conversion. Enfantonèls, aimatz pauc e pregatz encara mens. Sètz esmarrats e sabètz pas quina es vòstra tòca. Prenètz la crotz, agachatz Jèsus e seguissètz-Lo. Se dona a vosautres, dusca a morir sus la crotz que vos aima. Enfantonèls, vos convidi a tornar a la pregària dau còr, per trapar l’esperança e lo sens de la vòstra existéncia, dins la pregària. Siái amb vautres e prègui per vautres. Mercé d’aver respondut a mon apèl. »
Mirdjana, messatge dau 2 de febrièr de 2016
« la Resurreccion de mon Filh e mon
Assompcion dins lo Cèl son per vautres esperança e amor»
« Cars
enfants, vos apelèri e vos apèli tornarmai a conóisser mon Filh, a conóisser la
vertat. Siái amb vosautres e prègui per qu’i capitetz. Mos enfants, devètz
pregar fòrça per aver tant e mai d’amor e de paciéncia, per saupre endurar lo
sacrifici e èsser paures en esperit. Mercé lo Sant-Esperit, mon Filh es totjorn
amb vautres. Sa Glèisa nais en cada còr que lo conois. Pregatz per poder
conóisser mon Filh, pregatz per que vòstra arma fague pas qu’un amb El. Aquò’s
aquò la pregària, aquò’s aquò l’amor qu’atrai los autres e fai de vos mos
apòstols. Vos agachi amb amor, un amor mairal. Vos conoissi, conoissi vòstras
dolors e vòstras lanhas, que ieu tanben patiguèri en silenci. Ma fe m’a donat
l’amor e l’esperança. Vos o repetissi : la Resurreccion de mon Filh e mon
Assompcion dins lo Cèl son per vautres esperança e amor. Es perqué, mos
enfants, pregatz per conóissser la vertat, per aver una fe fèrma que mene
vòstre còr e sàpia tresmudar vòstras dolors e vòstres patiments en amor e en
esperança. Vos regràcii. »
Marija, messatge dau 25 de genièr de 2016
« Coma dins lo Cèl, que ne siague antau
tanben sus la tèrra. »
« Cars
enfants, uòi encara vos apèli totes a la pregària. Sens la pregària podètz pas
viure, que la pregària es la cadena que vos sarra de Dieu. Es perqué,
enfantonèls, dins l’umilitat dau còr, tornatz a Dieu e a sos comandaments per
poder dire de tot vòstre còr : Coma dins lo Cèl, que ne siague antau
tanben sus la tèrra. Enfantonèls, sètz liures de vos decidir per Dieu o contra
El, dins la libertat. Vesètz ont Satan vos vòl atraire : al pecat e a
l’esclavatge. Es perqué, enfantonèls, tornatz a mon còr per fins que vos pòsqui
menar a mon Filh Jèsus qu’es lo camin, la vertat e la vida. Mercé d’aver
respondut a mon apèl. »
Mirjana, messatge dau 2 de genièr de 2016
« que las paraulas de mon Filh siagan
doncas la primièira e la darrièra pensada de la vòstra jornada. »
Cap comentari:
Publica un comentari a l'entrada