2015

Jakov, messatge dau 25 de decembre de 2015

« pregatz Jèsus per qu’a partir de uòi vòstra vida conosca una naissença novèla en Dieu»

« Cars enfants, totas aquelas annadas que Dieu me dona d’èsser amb vosautres son un signe d’un amor que se pòt pas dire que Dieu a a l’esgard de cadun de vautres e ensenhan a quin ponch Dieu vos aima. Enfantonèls, quantas gràcias l’Autisme vos balhèt e quantas ne vòl vos balhar ! Mas, enfantonèls, vòstres còrs son barrats, vivon dins la paur e permeton pas a Jèsus de faire que son amor prenga possession de vòstres còrs e comence de regnar sus vòstras vidas. Viure sens Dieu, es viure dins las tenèbras e pas jamai conóisser l’amor dau Paire, ni mai coma pren suènh de cadun de vosautres . Es per aquò, enfantonèls, uòi d’un biais particular, pregatz Jèsus per qu’a partir de uòi vòstra vida conosca una naissença novèla en Dieu, e que venga una lutz qu’escandilhe de vautres. Aital, vendretz testimònis de la preséncia de Dieu dins lo mond per tot òme que viu dins las tenèbras. Enfantonèls, vos aimi e intercedissi cada jorn per vos davant l’Autisme. Mercé d’aver respondut a mon apèl. »

Marija, messatge dau 25 de decembre de 2015

« vos doni sa patz e lo languiment dau Cèl»

« Cars enfants, uòi encara, vos meni mon Filh Jèsus e d’aquela braçada vos doni sa patz e lo languiment dau Cèl. Prègui amb vosautres per la patz e vos apèli a èsser patz. Vos benesissi totes de ma benediccion mairala de patz. Mercé d’aver respondut a mon apèl. »

Mirjana, messatge dau 2 de decembre de 2015

« La Glèisa li fasètz mestièr, mos apòstols de l’amor. »

« Cars enfants  amb vosautres totjorn siái que mon Filh vos a fisats a ieu. E vos fau mestièr, a vautres, mos enfants que me cercatz, venètz a ieu e regaudissètz mon còr mairal.  Ai e aurai totjorn d’amor per vautres, vautres que patissètz e ofrissètz vòstras dolors e vòstras sofrenças a mon Filh e a ieu. Mon amor cèrca l’amor de totes mos enfants, e mos enfants cèrcan mon amor. A travèrs l’amor, Jèsus cèrca la comunion entre lo cèl e la tèrra, entre lo Paire Celestial e vosautres, mos enfants – Sa Glèisa. Es per aquò qu’es necit de pregar fòrça, de pregar per la Glèisa e d’aimar la Glèisa que ne fasètz partida. Dins los temps que sèm, la Glèisa patís ; li fai mestièr d’apòstols que, en aimant l’unitat, en testimoniant e en donant, ensenhan los camins de Dieu. La Glèisa li fai mestièr d’apòstols, que en vivent l’Eucaristia amb lo còr, fagan d’òbras grands. La Glèisa li fasètz mestièr, mos apòstols de l’amor. Mos enfants, la Glèisa es estada secutada e traïda tre sa començança, mas a crescut jorn a cha jorn. Es indestructibla que mon Filh li balhèt un còr : L’Eucaristia. La lutz de sa resureccion escandilhèt e escandilharà sus ela. Es per aquò, ajatz pas paur ! Pregatz per vòstres pastres, per fin qu’ajan la fòrça e l’amor per èsser de ponts de salut. Vos grandmercegi ! »

 

Marija, messatge dau 25 d’octòbre de 2015

« siagatz fermes dins la pregària e corajotses dins la fe»

« Cars enfants, uòi vos convidi totes : pregatz per mas intencions. La patz es en dangièr, es perqué, enfantonèls, pregatz e siagatz portaires de patz e d’esperança dins aquel mond laguiós que Satan ataca e tempta de totas menas de biais. Enfantonèls, siagatz fermes dins la pregària e corajotses dins la fe. Ieu, siái amb vosautres e intercedissi davant mon Filh per vosautres totes. Mercé d’aver respondut a mon apèl. »

Mirjana, messatge dau 2 de novembre de 2015

« Mon Enfant cèrca la fe e las òbras, l’amor e la bontat.»

« Cars enfants  vos desiri parlar tornarmai de l’amor. Vos recampèri a l’entorn de ieu al nom de mon Filh, segon sa volontat. Desiri que vòstra fe siague fèrme, que giscle de l’amor. Per çò qu’aqueles de mos enfants qu’entendon l’amor de mon Filh e lo seguisson vivon dins l’amor e dins l’esperança. An conogut l’amor de Dieu. Es per aquò, mos enfants, pregatz ; pregatz per poder aimar totjorn mai e complir d’òbras d’amor. Que, la fe sola, sens l’amor e sens las òbras d’amor es una fe illusòria. Es de vanaglòria. Mon Enfant cèrca la fe e las òbras, l’amor e la bontat. Prègui e vos demandi de pregar tanplan, e de viure l’amor, que volonti que mon Filh, quand agacharà lo còr de totes mos enfants, pòsca veire en eles l’amor e la bontat, e non pas l’òdi o l’indiferéncia. Mos enfants, apòstols de mon amor, perdètz pas l’esperança, perdètz pas la fòrça ! I podètz capitar. Vos encoratgi e vos benesissi. Que tot çò qu’es d’aquel mond –que nombre de mos enfants metan a la plaça primièira – desapareisserà ; sols l’amor e las òbras d’amor sobraràn e dobriràn la pòrta dau Reialme dau Cèl. A aquela pòrta vos esperarai. A aquela pòrta desiri acculhir e abraçar totes mos enfants. Vos grandmercegi. »

Marija, messatge dau 25 d’octòbre de 2015

« decidissètz-vos per la santetat »

« Cars enfants, ma pregària uòi encara, es per vosautres totes, mai que mai per aqueles que sos còrs se son enduresits cap a mon apèl. Vivètz dins un temps de gràcias e sètz pas conscients dels dons que Dieu vos fa a travèrs ma preséncia. Enfantonèls, decidissètz-vos encara uòi per la santetat, prenètz exemple sus los sants d’aqueste temps e veiretz que la santetat es una realitat per vosautres totes. Regaudissètz-vos dins l’Amor, enfantonèls, als uòlhs de Dieu podètz pas èsser « duplicats » e sètz irremplaçables, que sètz la jòia de Dieu dins aquel mond. Testimoniatz de la patz, de la pregària e de l’amor. Mercé d’aver respondut a mon apèl. »

Mirjana, messatge dau 2 d’octòbre de 2015

« Siái amb vosautres cada còp que pensatz a ieu »

« Cars enfants ! Siái tornarmai aquí al mitan de vautres per vos conortar, per vos comolar de mon amor e per vos convidar a èsser testimònis de l’amor de mon Filh. Nombroses son mos enfants qu’an pas pus d’esperança, pas de ges de patz nimai d’amor. Cèrcan mon Filh mas sabon pas coma e ont lo trobar. Mon Enfant lor dobrís los braces mas vosautres, ajudatz los a dintrar dins son estrencha. Es per aquò, mos enfants, devètz pregar per aver l’amor. Devètz pregar fòrça, fòrça, per aver totjorn mai d’amor, que l’amor es victoriós de la mòrt e dona a la vida de perdurar.

Apòstols de mon amor, enfants mieus, d’un còr simple e sincèr, unissètz vos dins la pregària, tant alonhats que poscatz èsser los uns dels autres. Encoratjatz vos los uns los autres dins lo creis espiritual, coma vos i encoratgi ieu meteissa. Velhi sus vosautres e amb vosautres siái cada còp que pensatz a ieu.

Pregatz atanben per vòstres pastres, per aqueles qu’an renonciat a tot per mon Filh e per vosautres. Aimatz-los e pregatz per eles. Lo Paire Celestial escota las vòstras pregàrias. Vos grandmercegi. »

 

Marija, messatge dau 25 de setembre de 2015

« Seretz, enfantonèls, cada jorn, mai que mai de testimònis dau servici »

« Cars enfants, uòi encara, prègui lo Sofle-Sant per qu’emplene vòstres còrs d’una fe fòrta. La pregària e la fe comolaràn vòstre còr d’amor e de jòia e seretz un signe per aqueles que son luònh de Dieu. Enfantonèls, encoratjatz vos los uns los autres a pregar amb lo còr, per fins que la pregària pòsca emplenar la vòstra vida ; e seretz, enfantonèls, cada jorn, mai que mai de testimònis dau servici : de cap a Dieu dins l’adoracion e de cap al propdan dins lo besonh. Amb vosautres siái e intercedissi per vosautres totes. Mercés d’aver respondut a mon apèl. »

 

Mirjana, messatge dau 2 de setembre de 2015

« Siái una gràcia dau Paire Celestial»

« Cars enfants, mos cars apòstols de l’amor, mos portaires de vertat, vos convidi tornarmai e vos recampi a l’entorn de ieu per que m’ajudetz, per qu’ajudetz totes mos enfants assedats d’amor e de vertat, assedats de mon Filh. Siái una gràcia dau Paire Celestial, mandada per vos ajudar a viure la paraula de mon Filh : Aimatz-vos los uns los autres ! Visquèri vòstra vida terrenala. Sabi qu’es pas totjorn aisit, mas se vos aimatz los uns los autres, pregaretz amb lo còr, tocaretz de nautors espiritualas, e lo camin cap al Paradís vos serà dobèrt. Es aquí que vos espèri, ieu vòstra Maire, puòi qu’es aquí que siái. Siagatz fidèls a mon Enfant e ensenhatz als autres la fidelitat. Siái amb vosautres. Vos ajudarai. Vos ensenharai la fe, per que sapiatz la passar als autres d’un biais juste. Vos ensenharai la Vertat, per que sapiatz coma discernir. Vos ensenharai l’amor, per que sapiatz çò qu’es l’amor vertadièr. Mos enfants, mon Filh farà en sòrta que parlarà al travèrs de vòstras paraulas e de vòstras òbras. Vos grandmercegi. »

Marija, messatge dau 25 d’agost de 2015

« siagatz los que cèrcan e aiman Dieu mai que tot »

« Cars enfants, uòi encara, vos apèli a èsser pregària. Que la pregària siague per vautres d’alas per lo rescontre amb Dieu. Lo mond se trapa dins una passa d’espròva que a desoblidat e abandonat Dieu. Es per aquò, enfantonèls, siagatz los que cèrcan e aiman Dieu mai que tot. Siái amb vosautres e vos meni a mon Filh, mas devètz primièr dire vòstre ÒC, dins la libertat dels enfants de Dieu. Intercedissi per vosautres e vos aimi, enfantonèls, d’un amor infinit. Mercés d’aver respondut a mon apèl. »

Mirjana, messatge dau 2 d’agost de 2015

« se Lo vivètz Lo podètz veire»

« Cars enfants ! Ieu, coma Maire qu’aima sos enfants, vesi coma los temps que son los vòstres son esquerrièrs. Vesi vòstres patiments, mas devètz saupre que sètz pas solets. Mon Filh es amb vosautres. Es d’en pertot. Es invesible, mas se Lo vivètz Lo podètz veire. Es la lutz qu’escandilha vòstra arma e vos balha la patz. Es la Glèisa que devètz aimar, per quina devètz pregar e totjorn luchar. Ça que la, pas solament per la paraula mas per d’actes d’amor. Mos enfants, fasètz en sòrta que siague aimat, que la vertat se trapa en mon Filh, nascut de Dieu, Filh de Dieu. Perdètz pas de temps a tròp rasonar, vos alunhariatz de la vertat. Acculhissètz Sa Paraula d’un còr simple e vivètz-la. Se vivètz sa Paraula, seretz luònh de la mòrt, aimaretz d’un còr pietadós, vos aimaretz los uns los autres. Mai aimaretz e mai seretz luònh de la mòrt. Per aqueles que viuràn la Paraula de mon Filh e qu’aimaràn, la mòrt serà vida. Vos grandmercegi !

Pregatz per fin de veire mon Filh en vòstres pastres. Pregatz per poder L’abraçar a travèrs eles. »

Novena dau cap d’an de la Vèrge :

(locucion recebuda per Jelena lo 28 de julhet de 1985.)

« Dempuòi tant de temps qu’ai pas rescontrat Jèsus,mon amic. Dempuòi tant de temps qu’ai pas rescontradaMaria, ma Maire. Dins aqueles jorns d’aquí los vòli rescontrar. »

 

Marija, messatge dau 25 de julhet de 2015

« sarratz vos de Dieu »

« Cars enfants, amb gaug, uòi encara siái amb vosautres, e vos apèli totes, enfantonèls : pregatz, pregatz, pregatz per poder entendre l’amor qu’ai per vosautres. Mon amor es mai fòrt que lo mal, enfantonèls ; es per aquò sarratz-vos de Dieu per ressentir ma jòia en Dieu. Sens Dieu, enfantonèls, avètz pas ges d’avenidor, avètz pas ges d’esperança nimai de sauvament. Pr’aquò, abandonatz lo mal e causissètz lo ben. Siái amb vosautres, e amb vosautres intercedissi davant Dieu per totes vòstres besonhs. Mercés d’aver respondut a mon apèl. »

Mirjana, messatge dau 2 de julhet de 2015

« Vivètz l’amor»

« Cars enfants, vos convidi a espandir la fe en mon Filh –la vòstra fe. Vosautres, mos enfants, illuminats per lo Sant-Esperit, mos apòstols, fasètz la passar als autres, a aqueles que creson pas , que sabon pas, e que vòlon pas saupre. Pr’amor d’aquò, devètz pregar fòrça per lo don de l’amor, que l’amor es lo trach distintiu de la fe vertadièira –aital seretz los apòstols de mon amor. L’amor reviuda totjorn d’un biais novèl la dolor e la jòia de l’Eucaristia, reviuda la dolor de la Passion de mon Filh, per quina vos ensenhèt çò que vòl dire aimar sens confinha ; reviuda la jòia de vos aver daissat son Còs e son Sang per vos noirir d’El-meteis e aital de faire pas qu’un amb vosautres. En vos agachant amb tendrum, esprovi un amor que se pòt pas dire qu’afortís mon desir de vos menar cap a una fe fèrma. Una fe fèrma vos balharà jòia e alegria sus la tèrra e, a la fin, lo rescontre amb mon Filh. Aquò es aquò son desir. Es per aquò, vivètz-Lo, vivètz l’amor, vivètz la lutz que vos illumina dins l’Eucaristia. Vos implori, pregatz fòrça per vòstres pastres, pregatz per aver tant pus d’amor per eles que mon Filh vos los balhèt per fins de vos noirir de son Còs e de vos ensenhar l’amor. Es per aquò, aimatz-los vosautres atanben ! Mas mos enfants, rementatz-vos : l’amor significa sofrir e donar, e jamai, jamai jutjar. Vos grandmercegi. »

Marija, messatge dau 25 de junh de 2015

« Dieu es vòstre endeman »

« Cars enfants, uòi encara, l’Autisme me dona la gràcia de vos poder aimar e de vos cridar a la conversion. Enfantonèls, que Dieu siague vòstre endeman e non pas la guèrra ni mai l’inquietud ; es pas lo tristum, mas puslèu la jòia e la patz que devon regnar dins lo còr de cada òme ; mas solament sens Dieu traparetz pas jamai la patz. Es per aquò, enfantonèls, tornatz a Dieu e a la pregària per fins que vòstre còr cante amb gaug. Amb vosautres siái e vos aimi d’un amor qu’es pas de dire. Mercés d’aver respondut a mon apèl. »

Mirjana, messatge dau 2 de junh de 2015

« La fe sens òbra… »

« Cars enfants, desiri obrar a travèrs vosautres, mos enfants, mos apòstols, per acampar a la fin totes mos enfants ont tot es aprestat per vòstre bonaür. Prègui per vosautres, per fins que poscatz convertir los autres per d’òbras, qu’a picat lo temps de las òbras de vertat, per mon Filh. Mon amor trabalharà al dintre de vosautres, farai amb vosautres. Ajatz fisança en ieu, que tot çò que vòli, lo vòli per vòstre ben, lo ben etèrne congreat per lo Paire Celestial. Vosautres mos enfants, mos apòstols, vivetz  e partejatz vòstra vida terrenala amb mos enfants qu’an pas conogut l’amor de mon Filh e que me dison pas « Maire » mas ajatz pas paur de testimoniar de la Vertat. S’avètz pas paur e que testimoniatz amb coratge, la Vertat trionfarà miraclosament. Mas rementatz-vos : la fòrça demòra dins l’amor. Mos enfants, l’amor es pentiment, perdon, pregària, sacrifici e misericòrdia. Se sabètz aimar convertiretz los autres per vòstras òbras, donaretz a la lutz de mon Filh de s’entraucar dins las armas. Vos grandmercegi ! Pregatz per vòstres pastres : son de mon Filh, es El que los apelèt. Pregatz per fins qu’ajan totjorn la fòrça e lo coratge de resplendir de la lutz de mon Filh. »

Marija, messatge dau 25 de mai de 2015

« Dieu a la plaça primièira »

« Cars enfants, uòi encara, siái amb vosautres. Amb gaug, vos convidi totes a pregar e a creire en la poténcia de la pregària. Dubrissètz los vòstres còrs, enfantonèls, per que Dieu los comole de son amor et que siaguètz jòia per los autres. Vòstre testimoniatge serà potent e tot çò que faretz teiscut de la tendresa de Dieu. Amb vosautres, siái, e prègui per vosautres e vòstra conversion, dusca a tant que metatz Dieu a la plaça primièira. Mercés d’aver respondut a mon apèl. »  

 

Mirjana, messatge dau 2 de mai de 2015

« Vos abandonarai pas jamai… »

« Cars enfants, dobrissètz vòstres còrs e ensajatz de ressentir coma vos aimi, e coma desiri qu’aimetz mon Filh. Desiri que lo conoscatz lo mai possible, qu’es impossible de lo conóisser e de pas l’aimar – qu’es tot amor. Ieu, mos enfants, vos conoissi. Conoissi vòstras dolors e vòstres patiments per çò que los ai viscuts. Risi amb vosautres dins vòstres gaugs e plori amb vosautres dins vòstras penas. Vos abandonarai pas jamai. Vos parlarai totjorn amb doçor mairala e, coma maire, me fan mestièr vòstres còrs dobèrts per qu’amb saviesa e simplicitat, alarguetz l’amor de mon Filh. Me fai mestièr que siaguètz dobèrts e sensibles al ben e a la misericòrdia. Me fai mestièr que siaguètz units a mon Filh, que desiri que siaguètz aüroses e que m’ajudetz a porgir lo bonaür a totes mos enfants. Mos apòstols, ai besonh que montretz al mond tot la vertat de Dieu, per fins que mon Còr, qu’a patit e que uòi encara patís de tant de dolors, pòsca véncer dins l’amor. Pregatz per la santetat de vòstres bergièrs, per que pòscan faire de miracles dau nom de mon Filh, que la santetat miracleja. Vos grandmercegi. »

Marija, messatge dau 25 d’abriu de 2015

« Cars enfants, uòi encara, siái amb vosautres per fins de vos menar cap al salvament. Vòstra arma es laguiosa que l’esperit es flac e alassat de totas las causas dau mond. Vosautres, enfantonèls, pregatz l’Esperit-Sant per que vos convertisca e vos emplene de sa fòrça de fe e d’esperança, que tengatz fèrmes dins aquel combat contra lo mal.  Siái amb vosautres e intercedissi per vosautres al prèp de mon filh Jèsus. Mercés d’aver respondut a mon apèl ».

 

Mirjana, messatge dau 2 d’abriu de 2015

« Cars enfants ! Vos ai causits, mos apòstols, que portatz totes al dintre de vosautres quicòm de bèl. Me podètz ajudar per fin que l’amor per qual mon Filh es mòrt e ressuscitat empòrte la victòria. Es perqué, mos apòstols, vos apèli a ensajar de veire quicòm de bon dins cada creatura de Dieu, en totes mos enfants, e a ensajar de los entendre. Mos enfants, sètz totes fraires e sòrres per lo meteis Esperit-Sant. Comols d’amor per mon Filh, podètz parlar de çò que conoissètz a totes aqueles qu’an pas encara conogut aqueste amor. Avètz conogut l’amor de mon Filh, avètz entenduda sa resurreccion e, amb gaug, clavatz vòstre agach sus El. Mon desir mairal es que totes mos enfants siagan units dins l’amor per Jèsus. Es per aquò, mos apòstols, que vos cridi a viure l’Eucaristia amb jòia, que dins l’Eucaristia mon Filh se dona a vosautres d’un biais totjorn novèl e, per son exemple, ensenha l’amor e lo sacrifici cap al propdan. Vos grandmercègi. »

 

Marija, messatge dau 25 de març de 2015

« Cars enfants, uòi encara, l’Autisme me permet d’èsser amb vosautres e de vos menar sus lo camin de la conversion. Fòrces còrs se son barrats a la gràcia e son venguts sords a ma crida. Vosautres, enfantonèls, pregatz e luchatz contra las temptacions e totes los marrits plans que lo Diable vos ofrís a travèrs lo modernisme. Siaguètz fòrts dins la pregària, crotz en man, per que lo mal se servisca pas de vosautres e que siague pas victoriós al dintre de vosautres. Siái amb vautres e prègui per vosautres. Mercés d’aver respondut a mon apèl.

Mirjana, messatge dau 18 de març de 2015

« Cars enfants ! De tot còr vos ne prègui, vos ne supliqui, enfants, purificatz vòstres còrs dau pecat e enauçatz-los cap a Dieu e a la vida eternala. Vos ne prègui, siaguètz vigilants e dobèrts a la vertat ! Permetatz-pas que tot çò d’aquesta tèrra vos alunha de la conoissença vertadièira dau contentament que i a d’èsser dins la comunion amb mon Filh. Vos meni sus lo camin de la saviesa vertadièira, que, es sonque amb la saviesa vertadièira que conoisseretz la patz vertadièira e lo ben vertadièr. Perdatz-pas de temps a demandar signes al Paire Celestial, que vos a ja donat lo signe màger, qu’es mon Filh. Es per aquò, mos enfants, pregatz per que lo Sant-Esperit pòsca vos emprincipiar a la vertat, vos ajudar a la conóisser e per qu’a travèrs aquela conoissença de la vertat poscatz faire pas qu’Un amb lo Paire Celestial e amb mon Filh. Es aquò la conoissença vertadièira que dona lo bonaür sus la tèrra e que dobrís la pòrta de la vida eternala e de l’amor sens bòla. Vos grandmercegi.

 

Vicka, messatge dau 11 de març de 2015

« Cars enfants ! Un còp de mai vos convidi a pregar mai e a pas tant parlar, mai que mai pendent lo Quaresma. Pregatz per poder complir mon plan qu’es luònh d’èsser complit. Vos demandi mai particularament de pregar per las familhas e per los joves que se trapan dins un estat esquerrièr : los podètz ajudar pas que per vòstras pregàrias e vòstre amor. Vos benesissi. » 

 

Mirjana, messatge dau 2 de març de 2015

« Enfants carits ! Sètz ma fòrça. Vosautres, mos apòstols, que, per vòstre amor, vòstra

umilitat e vòstre silenci dins la pregària, fasètz en sòrta que mon Filh siague conogut. Vivètz en ieu. Me portatz dins vòstres còrs. Sabètz qu’avètz una Maire que vos aima e qu’es venguda per porgir l’amor. Vos agachi dins lo Paire Celestial, agachi vòstras pensadas, vòstras dolors, vòstras sofrenças, e las ofrissi a mon Filh. Ajatz pas paur, perdatz pas espèr, que mon Filh escota sa Maire. Dempuòi que nasquèt, aima, e desiri que totes mos enfants conoiscan aqueste amor. Desiri que tornen a El totes aqueles que lo quitèron en causa de sa dolor o de son incompreneson, e que lo conoiscan totes aqueles que l’an pas jamai conogut. Es per aquò que sètz aquí, mos apòstols, e que ieu, coma Maire, siái amb vosautres. Pregatz per aver una fe fèrma que d’una fe fèrma venon amor e misericòrdia. Per l’amor e la misericòrdia, ajudaretz totes aqueles qu’an pas consciéncia de causir las tenèbras en luòc de la lutz. Pregatz per vòstres pastres que son la fòrça de la Glèisa que mon Filh vos a daissada. Per mon Filh, son los pastres de las armas. Vos grandmercegi.

 

Marija, messatge dau 25 de febrièr de 2015

« Enfants carits, dins aquel temps de gràcia, vos convidi totes : pregatz mai e parletz pas tant. Dins la pregària, cercatz la volontat de Dieu e vivètz la, segon los comandaments que Dieu vos i apèla. Siái amb vosautres e prègui amb vosautres. Mercés d’aver respondut a mon apèl. »

Ivan, messatge dau 23 de febrièr de 2015

« Enfants carits,  mos enfantonèls, uòi encara vos vòli apelar dins aqueste temps de gràcia que ven, pregatz mai dins vòstras familhas. Renovelatz la pregària dins vòstras familhas. Pregatz especialament, enfants carits, amb los enfants. Pregatz, cars enfants, per mas intencions, per mos plans que vòli realizar a travèrs mas vengudas aquí. Pregatz especialament per mos plans de patz. La Maire prèga en union amb vosautres e es totjorn còsta vosautres. Atanben, decidatz vos a pregar mai. Mercés, enfants carits, d’aver respondut a mon apèl uòi encara. »

 

Ivan, messatge dau 20 de febrièr de 2015

« Enfants carits ! Uòi vos convidi a pregar per la patz, la patz es en dangièr, pregatz mai, pregatz amb lo còr. La Maire prèga amb vosautres, e intercedissi alprèp de mon Filh per vosautres totes. Vos grandmercegi, cars enfants, per çò que uòi encara avètz respondut a mon apèl. »

 

Mirjana, messatge dau 2 de febrièr de 2015

« Enfants carits, vejatz-me aquí, siái al mitan de vosautres. Vos agachi, vos sorisi e vos aimi coma sola una maire o pòt faire. Per lo Sofle-Sant que ven a travèrs ma puretat, vesi los còrs e los ofrissi a mon Enfant. Fai ja longtemps, que vos demandi d’èsser mos apòstols e de pregar per los qu’an pas conogut l’amor de Dieu. Vos demandi una pregària dicha per amor, una pregària que complís d’òbras e de sacrificis. Arpategètz pas en vos demandant se siátz dignes o pas d’èsser mos apòstols. Lo Paire Celestial vos jutjarà totes, e vosautres, aimatz-Lo e escotatz-Lo. Sabi que tot aquò vos trebola, emai tanben ma quita preséncia demest vosautres, mas aculhissètz-lo amb gaug e pregatz per entendre que siatz dignes de trabalhar per lo Cèl. Mon amor es subre vosautres. Pregatz per fin que mon amor pòsca véncer dins totes los còrs, per çò qu’es un amor que perdona, que dona e que non jamai s’acaba. Vos grandmercegi. »

 

Marija, messatge dau 25 de genièr de 2015

« Enfants carits, uòi encara, vos cridi : vivètz lo vòstre apèl dins la pregària. Uòi, coma pas jamai encara de per abans, Satan vòl escanar l’òme e son arma per son buf contagiós d’òdi e de destorbes. Dins fòrces còrs, i pas ges de jòia que i pas cap de Dieu ni mai de pregària. L’asirança e la guèrra aumentan jorn a cha jorn. Vos cridi, enfantonèls : començatz tornamai, amb estrambord, lo caminar de la santetat e de l’amor, qu’es per aquò que siái venguda demest vosautres. Amassa, siagam amor e perdon per totes aqueles que sabon e vòlon aimar sonque d’un amor uman e non pas d’aquel amor divenc desmesurat que Dieu vos i apèla. Enfantonèls, dins un endeman melhor, pòsca l’esperança èsser totjorn dins vòstres còrs. Mercés d’aver respondut a mon apèl. »

 

Mirjana, messatge dau 2 de genièr de 2015

« Enfants carits, siái aquí al mitan de vosautres coma una maire que vos vòl ajudar a conóisser la vertat. Quand viviái la vòstra vida sus la tèrra, aviái la conoissença de la vertat, e simpletament, pas qu’amb aquò, un flòc dau Cèl sus la tèrra. Es per aquò que desiri la meteissa causa per vosautres, enfants carits. Lo paire Celestial desira de còrs lindes, comols de la conoissença de la vertat. Desira qu’aimetz totes aqueles qu’encontratz, que ieu meteissa aimi mon Filh dins cadun de vosautres. Es coma aquò que se comença de conóisser la vertat. Fòrça vertats falsas vos son ofèrtas. Las traspassaretz amb un còr purificat per lo june, la pregària, la peniténcia e l’Evangèli. Aquò’s l’unenca vertat, e es la vertat que mon Filh vos a daissada. Ges de besonh de l’espepissar fòrça. Vos es demandat d’aimar e de donar, coma o faguèri ieu atanben. Enfants carits, s’aimatz, vòstre còr serà una demòra per mon Filh e per ieu, e la paraula de mon Filh la guida de la vòstra vida. Mos enfants, me servirai de vosautres, los apòstols de l’amor, per ajudar totes mos enfants a conóisser la vertat. Mos enfants, ai totjorn pregat per la Glèisa de mon Filh, e espèri doncas çò meteis de vosautres. Pregatz per que vòstres pastres resplendiscan de l’amor de mon Filh. Vos grandmercegi. »