Invocacions a Maria

« Dins las malparadas, los embolhs, las entravas pensa a Maria, prèga Maria. Que non jamai se desarrape de tos pòts, que non jamai se desarrape de ton còr ; e per que pòscas obténer l’ajuda de sa pregària, desoblides pas jamai l’exemple de sa vida. Se la seguisses, te forviaràs pas de camin ; se la prègas, te desesperaràs pas ; se pensas a ela, te pòs pas enganar. Se te sosta, tombas pas ; se t’apara, as pas res a crenhir ; se te mena, fatigaràs pas ; se t’es favorabla, arribaràs a la tòca. »
" Sant Bernat de Clairvaux  (Hom. II super "Missus est", 17:  PL 183, 70-71)

Acte de consacracion a Maria

   Ajatz la bontat de recebre ma lausenja, Ò Verge benesida ! Immaculada Concepcion, Reina dau Cèl e de la tèrra, recaptador dels pecadors e Maire tant aimanta, a qual Dieu volguèt confiar tot l’òrdre de la misericòrdia, vejatz-me aquí a vòstres pès, ieu, paure pecador. 

   Vos suplique, recebètz mon èsser tot entièr coma vòstre ben e vòstra proprietat. Obratz en ieu segon vòstre èime, en mon arma e mon còs, en ma vida e ma mòrt e mon eternitat. 

   Dispausatz abans tot de ieu coma o volètz, per que se compligue enfin çò que se ditz de vos : « La Femna espotirà lo cap de la sèrp » e tanplan : « Vos sola trionfaretz de las eretgias dins lo mond entièr ». 

   Qu’au dintre de vòstras mans immaculadas, tant talament plenas de misericòrdia, vengue un instrument de vòstre amor, biassut per repiutar e faire florir de cap a cima tant d’armas tebesas o escavartadas. Antau s’espandirà sens confinhas lo regne dau Còr divenc de Jèsus. A de bon, vòstra sola preséncia atrai las gràcias que convertisson e santifican las armas, que, la gràcia giscla dau Còr divenc de Jèsus sus nosautres totes, en passant per vòstras mans mairalas.

Sant Maximilian Maria Kolbe

(7 de genièr 1894 - †14 d'agost 1941, assassinat per los nazis)

SALVE REGINA

Salut Regina, maire de misericòrdia,

vida nòstra, consolament e esperança, salut.

E te cridam, faidits aquí, enfants d’Èva ;

Sospiram cap a tu, gemegant e plorant dins aquel val de lagremas.

Ò tus, avocata nòstra, ton agach tan pietadós, vira lo sus nosautres

E Jèsus, fruch benesit de ton sen, aprèp l’exili, dòna nos de contemplar.

Ò clementa, ò piosa, ò doça Verge Maria !

Prèga per nautres, santa Maire de Dieu,

Per que siagam dignes de las promessas dau Crist. Amèn.

Vèni Esperit creator,

visitar l’arma de tos fidèls

emplena de la gràcia d’ennaut,

los còrs que creères,

Tus que sonam Conselhièr,

Don de l’Autisme,

Sorga viva, Fuòc, Caritat,

Consecracion Invesibla.

Siás l’Esperit dels sèt Dons,

Lo det de la man dau Paire,

L’Esperit de vertat promés per lo Paire,

Siás tu qu’inspiras nòstras paraulas.

 

Abranda en nos Ta flameson,

d’Amor emplena nòstres còrs,

afortís totjorn deTa fòrça,

la flaquesa de nòstres còsses,

rebuta l’Adversari plan luònh,

dona-nos ta Patz sens trigar,

per que jos Ta govèrna e Ton conselh,

defugiscam tot mal e tota error.

Fai-nos conóisser lo Paire,

diga-nos lo Filh,

e Tus, lor esperit comun

fai-nos creire en Tus a tot jamai.

 

Glòria, siague a Dieu lo Paire,

al Filh ressuscitat d’entre los mòrts,

a l’Esperit-Sant consolator

ara e a tot jamai,

e dins los sègles dels sègles.